Irizarrek gas naturala gehitu du bere teknologia gamara

Etorkizuneko mugikortasun-premiei irtenbide berritzaileak eta iraunkorrak emateko egindako ahaleginaren ondorioz, Irizar Taldeak bere teknologia gamari gas natural konprimitua (GNK) eta gas natural likidotua (GNL) gehitu dizkio.

Horrela, bere produktu eta soluzio teknologiko eraginkor eta iraunkor gama zabaltzen du eragiketei dagokienez, eta gaur egun merkatuan dauden teknologia guztiak biltzen dituen marka bihurtzen da. Euro6D diesel, HVO, B100 errekuntza-motorra eta gas naturala edo biogasa duten autokar integral eta konbentzionalak, autobus eta ibilgailu % 100 elektrikoak, eta I. eta II. motako modeloetan teknologia hibrido paraleloa duten autokarrak hiri barruko eta hiriarteko zerbitzuetarako.

Teknologia hori duten autokarrek dakartzaten ingurumen-onurak dira CO2 emisioak %20 eta %25 artean murriztea, NOx emisioak % 60raino eta partikulen emisioak % 98tik gora. Diesela baino errendimendu termiko handiagoa izateaz gain, bibrazioak eta soinu-emisioak ere 4-5 dB artean minimizatzen dira. Kostu operatiboari dagokionez, haren murrizketa % 35eraino irits daitekeela kalkulatzen da, gasaren kostuaren eta dieselaren arteko diferentzialaren arabera. Mantentze-lanen kostua diesel ibilgailu konbentzional baten antzekoa da

Ibilgailuek 500 km-ko autonomia dute GNK bertsioan, eta bikoitza GNL teknologiakoetan.

Gasezko ibilgailuen gamak Irizar i4 eta Irizar i3le modeloak ditu, 12 eta 15 metro bitartekoak, GNK bertsioan, eta Irizar i4, Irizar i6 eta Irizar i6S modeloak 12 eta 15 metro artekoak, GNL bertsioan, guztiak Scania txasisaren gainean. Teknologia horrekin hornitutako lehen ibilgailua Irizar i4 modeloa da, II. klasekoa, autokar moldakor eta ezin egokiagoa metropoli autokarra, aldirietakoa, eskola-garraiokoa edo enpresetakoa izateko. Irizar i4 bat da, H bertsioan eta 12,920m luzeerarekin. Bere moldakortasun-ezaugarri paregabeei esker, txasisaren gaineko ibilgailu integral edo konbentzionaletan eskuragarri dauden gaur egungo propultsio-teknologien gama osatzen dugu.

Guztira 750 kg inguruko pisua du, eta luzetarako 4 depositu zilindriko ditu, IV GNK motakoak, 1260 dm3-ko guztizko bolumenekoak eta 240 kg inguruko gas-edukiera dutenak.   Hala ere, operadorearen beharren arabera, autonomia handitzeko beste depositu bat jar dakioke. Gainera, betetze-panel bat ere badu, bi gas-hartune eta manometroa dituena. Biltegiratze deposituen integrazioak ibilgailuaren estetika eta aerodinamika mantentzen ditu, eta diesel ibilgailu antzeko baten zerbitzu mota bera egiteko aukera ematen dio, errepidean ahalik eta helduleku onena eta segurtasun handiena dueña.

Ibilgailuek diesel ibilgailuen klimatizazio sistema bera dute. Barruko sabaiaren altuera, barruko maletategiak eta maletategiaren edukiera diesel bertsioaren berdinak dira.

Gidariak gasa kontrolatzeko pantaila bat du, segurtasun protokolo guztiak betetzeko. Ihesak detektatzeko eta ur-gehigarria duten aerosol bidezko suteak itzaltzeko sistema martxan jartzen dela kontrolatzeko aukera ematen du.

Ibilgailu horiek R66.02 araudia betetzen dute, baita sabaian 700 kg-ko pisu gehigarria izanda ere, eta segurtasun termikoko eta segurtasun mekanikoko protokoloak ere bai, 110 araudiaren arabera.

Gogoratu behar da i4 modeloaren belaunaldi berria 2019ko urrian aurkeztu zela Busworld nazioarteko azokan.

Irizarrek dagoeneko baditu autokar horien eskaerak bere eskaera-zorroan.