Irisgarritasuna eta Mugikortasuna

Zure bezeroak erosoago egon daitezen

 

Pertsonen irisgarritasuna eta mugikortasuna erraztuz

Bai bidaiarien irisgarritasunak bai espazioen handitasunak garrantzi handia hartu dute autobusen diseinuan; hori dela eta, azken urteotan berrikuntzak egiten ari dira alor horietan, bidaiariei ahalik eta konfortik eta irisgarritasunik handiena eskaintzeko helburuz.

Aurreko atetik sartzeko plataforma

Irizarrek prest du dagoeneko elbarriak i6 autokar modeloaren aurreko atetik sartzeko landu den plataforma. Horri esker, mugikortasun urriko pertsonak gainerako bidaiariek erabiltzen duten ate beretik sartu ahal izango dira autokarrean; hala, bereizkeria oro saihestuko da eta gidariak ez du bere postua utzi behar izango plataforma manipulatzeko.

Soluzioaren ezaugarriak dira aurreko ate zabalagoa eta zoru laua ibilgailuaren barrualdean, aulki gurpildunarekin hobeto maniobratzeko. Halaber, jarleku gidadun bat jartzeko aukera ematen du, funtzionamenduan dagoenean plataformarekin bateragarria dena.

Atzeko ardatzeko plataforma bertikala

Aukera honi esker, atzeko ardatzean plataforma bertikal bat munta daiteke eta horrek maletategiaren ahalmena optimizatzea ahalbidetzen du.

Erdiko ointokiko plataforma

Hiriarteko segmenturako i4 autokar modeloan baino ezin da muntatu eta plataformaren erabilera intentsiboa ahalbidetzen du, irisgarritasun bikainarekin.

Erdiko maletategiko plataforma

MUPtzat igogailu bat da, azken belaunaldikoa, erdiko maletategian kokatzen da eta goialdean ate bat du mugikortasun urriko pertsonak baino ez dezaten erabili.

Aulki gurpildunen guneko aukerak hauek dira:

  • Ainguraketa mekanismo azkarra (Quickrelease), jarlekuak erraz muntatu eta desmuntatzeko, aulki gurpildun baterako behar den lekua uzteko.
  • NMI Maxi Capacity ainguraketa sistema, jarlekurik desmuntatu behar ez izateko. Mekanismo honek jarleku bikoteko kuxinak kentzeko aukera ematen du, xede horretarako muntatuta dauden errailetatik eraman ahal izateko eta, beraz, aulki gurpildunerako behar den lekua uzteko.
  • Tip-up jarleku mekanismoa, kuxin eraisgarriekin eta hanka lerragarriekin, aulki gurpildun batentzta lekua lortzeko, autokarreko beste inolako elementurik kendu behar izan gabe.

Soluzio horiek guztiak MUPentzat igogailuen soluzioetan eta aulki gurpildunetarako ainguraketetan puntakoak diren enpresekin lankidetzan gauzatu dira, eta segurtasun parametrorik zorrotzenak betetzen dituzte, 66.01 araudia barne.