Irizar baten balioak

365 egun, 12 hizkuntza baino gehiago

Gure bezeroek zerbitzu asko dituzte eskura (1.100 asistentzia puntu ofizial 5 kontinenteetan / 700 puntu baino gehiago Europan). Zerbitzuek bere baitan hartzen dute konponketa zerbitzu osoa, prest jartzea eta erabateko bermea duen mantentze lana, egunean 24 orduz, urtean 365 egunez. Zentro tekniko eta logistiko modernoak ditugu, ordezko piezen eskaerei erantzuteko eta behar diren piezak bidaltzeko, mundu osoko edozein tokitara, oso denbora laburrean.

Zerbitzu eskaintza zabala daukagu, onena emateko helburuarekin diseinatu eta sortzen diren irtenbide pertsonalizatuekin:

• Irizar Finance zerbitzuarekin, zure beharretara ondoen egokituko diren finantzatzeko formulak aurkituko dituzu.
• Repair & Maintenance  kontratuak, autokarra konpontzeko eta mantentzeko.
• Erabilitako ibilgailuak. Irizarren autokar berri bat aukeratzen baduzu, aukera ematen dizugu zuk erabilitako ibilgailua entregatzeko, zuretzat onuragarriak izango diren baldintzetan.

Iservice tresna ibilgailuaren zerbitzua kudeatzeko web plataforma bat da (erabilera, mantentze lanak eta konponketak), eta aukera ematen dizu, online edo aplikazio mugikorraren edo tabletaren bitartez,  zure ibilgailuari buruzko dokumentazio teknikoa kontsultatzeko, zerbitzuaren eskuliburua, tailerreko eskuliburua, informazio pneumatikoa eta elektrikoa, baita ere asistentzi sarea, ibilgailua errazago konpontzeko.

Halaber, ordezko piezen katalogoan sartzea ere ahalbidetzen du, ibilgailu bakoitzerako modu indibidualizatu, grafiko, ikusgarri eta zehatz batean, familien eta osagaien arabera, eta ordezko piezen eskariak, jarraipena eta entrega ere kudeatu daitezke, Eshopen bitartez.

IST

Diagnostikorako tresna baliagarria da Irizar ibilgailu konbentzional ororentzat (alde batera utzita autokar integrala al txasis gainekoa den), eta hainbat sistema diagnostikatzeko gai da: Motorra, transmisioa, retarder, frenoak, suspentsioa, pneumatikoak, berogailuaren aireztapena (Fan drive cooling), aurrez berotzeko gailua, hirugarren ardatzaren direkzioa, ateak, jasogailuak, argiteria, klimatizazioa… Ibilgailuaren eta erremintaren arteko konexioa eskaintzen du, bluetooth edo kable bitartez, eta eramangarri arrunt batekin ere erabili daiteke.

Aldizka prestakuntza ikastaroak ematen ditugu, tailerren sare zabaleko teknikariek autokarraren modelo bakoitzean gehitzen joaten diren berrikuntzen berri izan dezaten, segurtasunaren arloan edo konpontzeko eta mantentzeko egiten duten jarduerak lehen mailako kalitatea izan dezan.

Halaber, itraining ere badaukagu, hau da, Irizarren online plataforma ibilgailuari eta konponketei buruzko prestakuntzarako. Plataforma Irizarreko dealers eta banatzaileei zuzenduta dago, eta aukera ematen du online testak egiteko eta prestakuntza jasotzeko, aldi berean kontaktuak eginez beste dealers batzuekin sortutako foroetan.

Irizarren sistema garantiak kudeatzeko

Garantiak kudeatzeko, Irizarren IWS online plataformak ibilgailu bakoitzaren informazioa gordetzea eta eskuratzea ahalbidetzen du, bertsio digitalean. Kotxe bakoitzean egindako lanen historiala eskaintzen du, eta monitorizatzeko aukera ematen du; ondorioz, estatistikak lortu daitezke modu erraz batean, eta, aldi berean, etengabeko hobekuntzak eta prebentziokoak egin daitezke.

Flotak kudeatzeko iPanel tresnak teknologiarik aurreratuen eskaintzen dizu soluzio pertsonalizagarriak lortzeko, negozio eredu bakoitzaren beharraren arabera iPanel zerbitzuak egokitu egiten dira gure bezeroen prozesuetan integratzeko, eta lagundu egiten dute erabakiak hartzeko orduan, errentagarritasuna hobetzeko helburuarekin.

Flotak kudeatzeko ditugun sistemak guztiz pertsonalizatuak dira, eta zure flotaren errendimendua eta errentagarritasuna optimizatu ahal izango dituzu, kostuen eta efizientziaren kontrol zehatza egiteaz gain. Datiken produktuak eta zerbitzuak neurri guztietako flota komertzialetarako diseinatuta daude.

EcoAssist ssitemak erregai kontsumoa murriztea ahalbidetzen du, gidariari gidaritza eraginkorra izan dadin aginduak ematen baitizkio. Ibilgailutik zuzenean jasotako datuak ematen ditu erregai kontsumoaren eraginkortasunaz eta karbono dioxido isurketez, erabakiak hartu eta baliabideak optimizatzeko.

EcoAssistek gidatzeko estiloak hobetzeko beharra planteatzen du, gidariak kontzientziatzen ditu garraioak naturan eragiten duen inpaktuaz, erregai kontsumoa txikitzen du eta errepidean segurtasuna handitzea eta enpresek dirua aurreztea ahalbidetzen du.

Irizar autokarretako pieza bakoitza Irizarreko diseinatzaileen eskuetatik igaro da, operadoreen markaren irudiari balio erantsia emateko eta bidaiariei emozio eta sentsazio desberdinak eragiteko. Horrenbestez, Irizar autobusek eta autokarrek edertasuna, sendotasuna, funtzionalitatea eta teknologia uztartzea lortzen dute.

En el interior del autocar se cuida hasta el más mínimo detalle para ofrecer el máximo confort y sensación de bienestar para el conductor y los pasajeros.

Autokarraren barrualdea detailerik txikienean ere zaintzen da, gidariari zein bidaiariei erosotasunik handiena eta ongizate sentsazioa eskaintzeko.

Autokarrek espazio zabalak dituzte barruan, ergonomia ezin hobeaz disfrutatzeko, eta sarbide zabal ere badituzte erosotasuna eta irisgarritasuna hobetzeko.

Barrualdeen diseinua, espazioak, koloreen harmonia, estetika, forma biribilduak… ibilitako kilometro bakoitzaz disfrutatuko duzu, lasaitasun, ongizate eta erosotasun giro ezin hobean.

Irizarren showroomaren bisita puntu garrantzitsua da autokarraren konfigurazioari dagokionez, eta markak pertsonalizatzeko eskaintzen dituen aukera anitzak ezagutzeko aukera ematen du, autokar bakoitza bakarra izan dadin, bezero bakoitzaren neurrira konfiguratuta.

Bezeroentzat sortu da esklusiboki, eta Irizarreko bisita erabateko esperientzia bihurtzeko pentsatuta dago, zeinean bezeroak sentituko duen autokarra bere-berea dela, are fabrikatu aurretik ere. Beraz, showrooma leku bikaina da bezero bakoitzaren autokarra modu esklusiboan eta pertsonalizatuan diseinatzeko.

Bertan aukera guztiak aurkitu daitezke, hau da, eserlekuak, tapizeriak eta akaberak, bertsio fisikoan, eta espazio ezin hobe bihurtzen da konbinazio perfektua ikusi, ukitu eta erabaki ahal izateko, autokarraren barrualdeari zein kanpoaldeari dagokionez, pieza bakar bat balitz bezala.

Aldi berean, egindako hautua gure konfiguragailuan ikusi ahal izango da, autokar bakoitzak eragiten duen sentsazioa egiazki sentitzeko.

Kontakizunak munduan gure inspirazio iturri izan diren leku guztietan egindako bidea jasotzen du. Kultura askotarikoak, indar eta espresioz betetako kolore etnikoak, hirietako ñabardura pixelatuak eta mila tonutako gris zatiak. Ohitura berriak, interes gune berriak, bizitzeko eta gure ingurunea behatzeko modu berriak, horiek izan dira gure inspirazioa munduko joera berriak jasotzeko eta gure barrualdearen ikuspegi berria sortzeko.

Etxean eta paregabeko giroan sentitu zaitezen, Irizar giroan sentitu zaitezen.

Naturala dena, norbanakoaren balioa, mundu digitalaren nagusitasuna eta esperimentazioaren gustua izan dira inspirazio iturria geure “Colour Collection” delakoa sortzeko, hainbat gama, joera, giro eta sentsaziotan barna bidaiatzeko.

Jaitsi “Irizar Colour Collection”

Barruranzko bidaia bat hastera gonbidatzen zaitugu, “Irizar Colour Collection” ezagutuz; Munduko joera nagusiak bildu ditugu eta gure barrualdearen ikuspegi berri bat sortu dugu etxean bezala senti zaitezen, giro paregabe batean, Irizar giro batean.

Ikusi konfiguratzailea