Irizar Atlantako Uma azokaren datorren edizioan izango da bere luxuzko autokarrak Ipar Amerikako operadoreei eskaintzeko. Irizarrek AEBetan lur hartuko du merkatuan Premium autokarren marka gisa posizionatzeko asmoz eta hango INA Bus Sales banatzailearen eskutik egingo du.
2016. urtea beste bi sarirekin hasi du Irizar Taldeak. Aurkeztu berri den Irizar i8 autokarrak eta hiri autobus %100 elektrikoak 2016. Urteko Autokar saria eta Espainiako 2016ko Industria Ibilgailu Ekologikoaren sari sortu berria jaso dituzte.
100 bezero inguru izan ziren Irizar i8aren aurkezpenean Irizarrek Ormaiztegin dituen instalazioetan. Bertaratu ziren guztiek atera berri den Irizar i8a ikusteko eta gozatzeko aukera izan zuten eta gainera, Irizar HQko produkzio lerroa ere bisitatu ahal izan zuten. Donostiara egindako bisita gidatu baten ostean, eguna afari atsegin batekin bukatu zuten han bertan.
